تصدير ورق ريحان مجفف

تصدير ورق ريحان مجفف :-

 يتم تجهيزها وتصديرها الي الدول الاجنبيه بالمواصفات الاوربيه والامريكيه والشهادات

 ISO  - BRC   .

طبعا شغل الورق مختلف تماما عن الحبوب حتي المعدات مختلفه في الاحيان هيا بتبقا نفس المعدات بس بنستخدم المخارج بشكل ثاني  .

كيفيه تجهيز ورق ريحان مجفف :- 

يتم دخول المنتج الخام الي المصنع ويتم عمل معايره لكميه معينه, بناءا عليه يتم دفع التكاليف لصاحب المنتج الخام او التاجر ,بالنسبه للمعايره تتم عن طريق الصنايعيه بطريقه الغربله  وتقاس بالمش mesh او معمل الكيمياء وتقاس نسبه العاليات والقش والبلاستيك و الحشرات وغيرها .

ملحوظه :-

الورقيات لا تاخذ خط تجهيز قبل التصدير , من الخام للتصدير مباشره,  عكس الحبوب لازم تاخذ خط تجهيز قبل التصدير  .

1- آله المجرشه :- 

يتم دخول منتج الخام بعد استلامه من المعمل الكيمياء او الصنايعيه الي المجرشه لجرش الخام بمعني تكسير الخام الي قطع صغيره هنا يوجد نوعين من الجرش فورمه حجم كبير وفورمه حجم صغير طبعا ده بيتحدد علي حسب العميل وبناءا عليه انت بتجهز الغرابيل اللي هتحتاج تركبها في المجرشه نوعين من الغرابيل مقاس 3.50 mm لو فورمه ناعمه ولو فورمه كبيره 5 mm 

طبعا ده مقاي بالمش mesh بس انا محول ليكم بالمللي  .
 زي ما قلنا قبل كده المعده ليها 3 مخارج, اثنان منهم منتج اسفل المعده واللي في الخلف بيبقا اسمه مزراب ده بيتم جرشه مره اخره لان بيكون حجمه كبير  .

2- آله الدلتا :-

يتم دخول المنتج الي الآله عن طريق سير وتتم معايره الآله عن طريق لوحه التحكم زي ما وضحنا قبل كده كيفيه تشغيل كل آله علي حده .

الهزاز    60

الهواء    30

الغرابيل من اعلي الي اسفل :-

اول غربال ده ثابت   10 mm

ثاني غربال عين كتكوت  ( عاليات)    6 - 6  mm

ثالث غربال( عين كتكوت )  3.50 - 3.50 mm

رابع غربال عين كتكوت  ( ساقطه) 0.6 - 0.5  mm

خامس غربال  ده ثابت ( امامي )  36 mesh او 0.5 mm

لو هتشتغل فورمه ناعمه يبقا تركب سلندر مقاس 7
لو حرشه يبقا 9 او 11 افضل  .

كلمه غربال ثابت يعني ما بيتغيرش في الدلتا بتطلعه تنظفه وتركبه ثاني  .

طبعا احنا دلوقتي عارفين يعني ايه مقاس ( مش او مللي ) مشروح في الدروس السابقه  .

طبعا ده بيختلف علي حسب نوع البضاعه وعلي حسب خبرتك في المجال كمهندس  .

غربال رقم 2 العاليات  :- 

ده تقريبا ما بيتحطش جواه غرابيل عين كتكوت ولو حطيت بيبقا زي ما انا كاتبلك مقاسه كده او غرابيل ملس سد ما بيبقاش فيه فتحات لتنزيل البضاعه  .

غربال رقم 3 العاليات :- 

تمسك البضاعه اللي خارجه من مخرج العاليات او الحرش  طبعا هو جاي من اسمه اي ورق كبير يبقا كده تمام, بالتالي اي حاجه صغيره موجوده يبقا في مشكله في الغرابيل بتبدا تركب غرابيل ثانيه او تخلعها وتركبها ثاني او تغير حجم الغرابيل عندما تجد ورق صغير موجود يبقا توسع الغربال , واللي بيطلع من العاليات او الحرش ده بيتم جرشه مره اخري ويتم دخوله الي الدلتا ثاني  .

غربال رقم 4  الساقطه :- 

تمسك البضاعه اللي خارجه من مخرج الساقطه بتبقا عباره عن ورق صغيره جدا عن المنتج ومعها كميه تراب وحديد اي شئ اصغر حجما من المنتج ، لو لقيت فيها ورق كبير او زي المنتج بتطلعها وتركبها ثاني او تغير وتضيق حجم الغربال الي الاصغر  . 

غربال رقم 5  امامي  :- 

شكله مختلف عن الغرابيل اللي احنا بنستخدمها في الدلتا الغربال ده بيستخدموه الصنايعيه اللي شغالين في نفس مهنه الاعشاب  ده بقا بيتقاس بالمش mesh   ، ده شغلته ان الهواء بييجي من تحته ويرفع المنتج الي اعلي وينزل في لسان الدلتا عكس الحبوب القش هو اللي بينزل في لسان الدلتا خذوا بالكم من حاجه زي كده , تحت لسان الدلتا مخرج اسمه القاطعه اللي هو كان بينزل منه منتج الحبوب هنا بقا في الورقيات بينزل منه الاشياء الثقيله زي الطين والسيقان الكبيره الثقيله بعد كده اللسان  ده بيرمي البضاعه علي سير الي السلندر  .

آله السلندر :-

بها عدد لفات الاسطوانات من الداخل وده ما بيتغيرش كثير في الورق و اعتبره ثابت من 60 - 75 لفه ويتم عمل المؤشر علي ( -1 ) للتصدير  .

يتكون من اربعه الواح علي شكل ربع دائره لكل لوح لانه بيتركب علي بعضه داخل السلندر زي ما انت شايف في الصوره السلندر علي شكل دائره والالواح دي ليها ارقام ( 7  -  9  -  11  )  واحنا بنستخدم في الورق 11 ثابته حرشه ولو فورمه ناعمه 7 او 9 ثابت ولو 7 افضل  والمسطره الذي امامك في الصوره تتكون من موجب +1 , +2  ,  +3 ,  +4  , +5  والسالب -1 , -2 , -3 , -4 , -5  .

لما المؤشر بييجي علي الموجب بيزود الحرش في المنتج .

لما المؤشر بييجي علي السالب بيقلل الحرش في المنتج  .

فالبتالي لما تمسك البضاعه اللي نازله في الحرش وتلاقي ورق صغير قلل لحد ما تظبط معاك قلل من السالب الي الموجب مش لازم تنزل للموجب المهم انك تقلل المؤشر اتجاه الموجب  والعكس لو لقيت حرش كثير في المنتج  يبقا تزود المؤشر في اتجاه السالب علشان يرمي الحرش في المخرج بتاعه لان انت عندك مخرجين فقط حرش ومنتج  .

المقصود بالحرش هنا هي الورق الكبير عن المنتج بتبقا كبيره في الحجم وطويله جدا .

وبعد كده مخرج المنتج للسلندر بيرمي في الدستونر  وسنتعرف باذن الله في المقاله القادمه كيفيه تشغيل ومعايره آله الدستونر  .

تابع تكمله المقاله ........