تكلمنا في المقاله السابقه عن كيفيه تشغيل ومعايره الدلتا والسلندر وهنا سنتكلم عن الدستونر :-
ماكينه الدستونر :-
عباره عن فرز المنتج من القش بحجم المنتج وتقليل نسبه الحديد , طبعا زي ما انت شايف الصوره مخرج الهواء ده بيكون علي 65% والمخرج الثاني لتنزيل القاطعه ( كل ما ترفع الغربال القاطعه بتزيد وتنزل الغربال القاطعه بتقل ) مخرج القاطعه خلف الماكينه واللي نازل علي السير ده المنتج .
ماكينه سير المغناطيس :-
 |
| سير مغناطيس |
سير المغناطيس لازاله الحديد والطين من المنتج وبيتم تعبئه المنتج مباشره بعد السير في كراتين او عبوات ورق .
هنا بقا يبدا شغل وماكينات التصدير للمنتج :-
ملحوظه :-
خليك فاكر ان انا برسملك الخطوط العريضه بتاعه الشغل لان ايدك في الشغل وشايف البضاعه احسن مني .
ماكينه التعقيم :-
يتم معايره الغرفه علي حسب كل منتج وبالنسبه لورق الريحان المجفف بيكون غاز 70 - 30 ETO وعدد ساعات داخل الغرفه 10 ساعات , بعد الانتهاء من التعقيم وفرز العبوات السليمه من المتضرره من الغاز وبعد تغييرها يتم المرور علي جهاز كاشف المعادن للعبوات .
ماكينه كاشف المعادن :-
بيتم مرور العبوات داخل الجهاز ويتم معايره من 0.5مللي الي 4 مللي لحجم المعدن او الحديد وعند وجود شئ يتم رجوعها الي التشغيل مره اخري بعد مرور العبوات السليمه يتم التحميل الي الحاويه .
الحاويه :-
يتم تنظيفها وفرد مشمع علي الارضيه للحاويه ثم تحميل العبوات بداخلها ثم يتم اضافه مبيد حشري بيسموه التعقيم مع البضاعه للحفاط علي عدم تكون حشرات داخل الحاويه لحين الوصول الي العميل .
 |
| مبيد حشري |
طبعا التعقيم بتاع الغرفه غير تعقيم الحاويه ده مبيد حشري عادي اما الغرفه ده غاز الايثليين .
اتمني ان تنال اعجابكم .