تكلمنا في المقاله السابقه عن كيفيه تشغيل ومعايره الدلتا والسلندر وهنا سنتكلم عن الجرافيتي والكلر :-
ماكينه الجرافيتي :-
عباره عن فرز القش والحبوب الثقيله من المنتج للتصدير يتم ضبطه من الهزاز لجريان المنتج علي الغربال علشان كل ما المنتج بيكون ثقيل انت بتزود المؤشر الخاص بالهز, اما مؤشر الهواء فده بيكون علشان المنتج يبقا متفرد مش كله في مكان واحد علي الغربال بمعني ان كل ما انت تشوف المنتج بيجمع علي بعضه امامك علي الغربال فيتم تزويد الهواء والهواء بيطلع من تحت الغربال .
المخارج :-
جميع المخارج بيتم التحكم فيها عن طريق البوابات فتح وقفل .
1- مخرج القاطعه عباره عن الحبوب الثقيله او اي شئ موجود في المنتج ثقيل زي الطين او الحبوب الثقيله, بتمسك البضاعه اللي طالعه من المخرج لو لقيت بضاعه فيها حبوب خفيفه علطول بتقلل من فتحه مخرج القاطعه, ما تنساش انك انت محتاج نسبه من القاطعه في المنتج بس دي بتيجي بالخبره, انا بس برسملك الخطوط العريضه لكيفيه التشغيل .
2- لسان الجرافيتي ده بيكون فيه نسبه قش عاليه جدا مع منتج بسيط وواضح وده بيكون له بوابات يتم التحكم فيها زي اي مخرج لازم تنزل بعض البضاعه فيه علشان تضمن المنتج خالي من الشوائب .
3- مخرج المنتج طبعا ده كده انت صفيت بعض القش وبعض القاطعه وبعد كده بيرمي في ماكينه الكلر للفرز بالالوان ويتم التحكم ومعايره الكلر ببرنامج عن طريق تزويد وتقليل الاسود والابيض والبني وغيره .
4- مخرج راجع الدلتا ليه خليته اخر حاجه علشان هو بياخذ نسبه من البضاعه من القاطعه ولسان الجرافيتي والمنتج عن طريق البوابات اللي علي كل مخرج من الجرافيتي, المخرج ده بيرجع علي الدلتا وهو جاي من اسمه راجع الدلتا معناها انه بيتعاد تشغيله في نفس الوقت .
ماكينه الكلر :-
عباره عن فرز المنتج ايا كان بالالوان سواء زياده او تقليل من الالوان زي الاسود والابيض والاحمر والبني والزبل بتاع الحمام والعصافير , طبعا كل منتج له نسخه علي البرنامج بيتم العمل عليها لان المنتجات كلها مش نفس اللون .
المخارج :-
1- مخرج الرفض يتم خروج الحبوب السوداء والطين والزبل للحمام والعصافير ومع بعص المنتج بيكون بسيط جدا جدا .
2- مخرج المنتج كده خلاص المنتج جاهز بس الاول بعد الكلر بيعدي علي سير مغناطيس لتنقيه من الحديد والطين .
 |
| سير مغناطيس |
هنا بقا يبدا شغل وماكينات التصدير للمنتج :-
ملحوظه :-
هنا يتم تغيير الغرابيل في الدلتا , طبعا علي حسب ما انت شايف البضاعه, دي ارقام تقريبيه لتركيب الغرابيل .
الغرابيل من اعلي الي اسفل :-
اول غربال ده ثابت 10 mm
ثاني غربال عين كتكوت ( عاليات) 5 - 6 mm
ثالث غربال ( عين كتكوت ) 3 - 3.50 mm
رابع غربال عين كتكوت ( ساقطه) 1.50 - 1.50 mm
خامس غربال ده ثابت ( امامي ) 20 mesh او 1 mm
طبعا بقيت المعدات زي ما شرحنا في المقاله السابقه وخليك فاكر ان انا برسملك الخطوط العريضه بتاعه الشغل لان ايدك في الشغل وشايف البضاعه احسن مني .
ماكينه كاشف المعادن :-
ده بيطرد اي نسبه حديد او اي معادن موجوده عن طريق تحديد حجم الحديد من 0.5 مللي الي 4مللي ده بيشتغل بعض سير المغناطيس علشان لو حاجه عدت من السير زياده امان للمنتج وللعميل بعد كده بييرجع علي الدلتا لاعاده تشغيله.
ماكينه التعبئه :-
يتم معايره الميزان داخل الماكينه اتوماتيكيا علي حسب كميه الوزن المطلوبه للعميل والمخرج اللي في اسفل الماكينه يتم تركيب فيها العبوه او الشيكاره ثم يتم خياطه الشيكاره سواء ورق او الومنيوم ثم الي ماكينه التعقيم .
ماكينه التعقيم :-
يتم معايره الغرفه علي حسب كل منتج وبالنسبه للكزبره الحب بيكون غاز 90 - 10 ETO وعدد ساعات داخل الغرفه 8 ساعات , بعد الانتهاء من التعقيم وفرز العبوات السليمه يتم المرور علي جهاز كاسف المعادن للعبوات .
ماكينه كاشف المعادن :-
بيتم مرور العبوات داخل الجهاز ويتم معايره من 0.5مللي الي 4 مللي لحجم المعدن او الحديد وعند وجود شئ يتم رجوعها الي التشغيل مره اخري بعد مرور العبوات السليمه يتم التحميل الي الحاويه .
الحاويه :-
يتم تنظيفها وفرد مشمع علي الارضيه للحاويه ثم تحميل العبوات بداخلها ثم يتم اضافه مبيد حشري بيسموه التعقيم مع البضاعه للحفاط علي عدم تكون حشرات داخل الحاويه لحين الوصول الي العميل .
 |
| مبيد حشري |
طبعا التعقيم بتاع الغرفه غير تعقيم الحاويه ده مبيد حشري عادي اما الغرفه ده غاز الايثليين .
اتمني ان تنال اعجابكم .