ماكينه السلندر

 ما هو السلندر وفيما يستخدم :-

هي ماكينه معده خصيصا لفرز او لفصل الاحجام الكبيره عن الصغيره فقط,  طبعا بيتركب جواها غرابيل بس غرابيل من نوع ثاني خالص غير الغرابيل اللي احنا صورناها لو اتيحت الفرصه ليا هصورهالكم وهنزلها ليكم  .

ليها مقاسات في الغرابيل من7 الي 9 الي 11 مللي ايه لازمه الغرابيل بتاعتها علشان تحدد انت عاوز ايه نوع الفورمه بتاعه المنتج ايه ناعم ولا خشن ولا متوسط, يعني 7 مللي فورمه ناعمه و9متوسطه و 11 حرشه او خشنه في الورقيات ناعمه بيتركب 7 ملليو9 فين وفين لما بتتركب ولو حرشه 11مللي , اما الحبوب فبيتركب 11 علطول سواء برغل او حبوب كامله  .

طب ازاي بنحدد كميه الحرش او الناعم اللي بينزل من السلندر طبعا في حاجه اسمها الزومبه دي اللي بتحدد كميه او نوع المنتج اللي نازل سواء حرش او ناعم طبعا في الغرابيل 7 مللي ما بنحتجش للزومه لانها كده كده ناعمه,  الزومبه بتتكون من ارقام من -1الي -5 و +1 الي +5 كل ما بنزود في الموجب بيقلل من الحرش  والعكس مل ما ازود في السالب بيقلل معايا في المنتج  ,

ثاني علشان ما تتوهش مني لما انا اكون شغال شمر فانا عارف شكل الشمر اللي انا شغال بيه وانا ببص كده علي الشمر لقيت حبايه كبيره عنه اعمل ايه علشان اشيلها من المنتج باجي علي الزومبه وزود في السالب تمام كده  .

شكل الزومبه السلندر:-

طبعا الفتحه اللي علي الشمال دي هيا المنتج واللي علي اليمين دي هيا الحرش  .

الغرابيل بتاعه السلندر عاشق ومعشوق وعباره عن كتله من الحديد وبها فتحات مزوره مقعره في قلب الحديد والغربال علي شكل ربع ايطوانه بتتركب علي بعض واللي بييجي بينهم ده بيكون المنتج واللي بيبقا بره الغربال ده هو الحرش  .