ماكينه الدلتا وهي من اهم عمليات الغربله.
كيفيه عملها وتشغيلها :-
تتكون الدلتا من اربع فتحات بهم غرابيل فوق بعضيهم البعض وكل فتحه يوجد بها عدد 2 غربال ما عدا اول غربال هنبدا من الاعلي الي الاسفل .
اول غربال بيكون 10 مللي وده بيكون لازاله الشوائب الكبيره مثل الاحجار وغيرها من الاحجام الكبيره.
ثانيا الفتحه الثانيه بها عدد 2 غربال عين كتكوت هيا اسمها كده وتسمي عاليات, طبعا الغرابيل بتتحط علي حسب المنتج اللي انت شغال عليه وهنعرف بعدين كيفيه اختيار الغرابيل في المقالات القادمه ودي بتنزل احجام اكبر بقليل من المنتج الفعلي للتصدير او للتجهيز .
شكل غربال عين كتكوت:-
ثالثا الفتحه الثالثه وهي عباره عن غراببل تسمي المشئبيه وبها عدد 2 غربال وهيا بتنزل الاشياء المدوره مثل الركب ودي الخطوه قبل الاخيره للدلتا .
شكل غربال المشئبيه :-
رابعا الفتحه الرابعه وبها عدد 2 غربال عين كتكوت وتسمي الساقطه ليه اسمها كده علشان بينزل منها اقل حبوب حجما من المنتج للتصدير اوالتجهيز طبعا الصور بتاعه الغرابيل بالاعلي .
خامسا ده بقا غربال امامي حجمه صغير جدا تمام, المنتج اللي بينزل من الغربال الرابع بينزل علي الغربال الخامس عرضه حوالي 20سم وطوله 1متر تقريبا او يزيد ده شغلته ايه, الهواء بييجي من تحت الغربال ده بياخذ القش او الحاجات الخفيفه بيرفعها في حاجه اسمها لسان الدلتا ده مخرج موجود في اول الدلتا من الامام , الغربال ده ثابت بالنسبه للحبوب بيكون 20 mesh والورقيات بتكون 36 mesh . طبعا في فرق بين المللي والمش لمقاس الغرابيل, طبعا الغربال الامامي بعد غربال الساقطه مباشره بينزل المنتج منه علي الماكينه اللي بعديه اللي هيا اسمها السلندر وهنعرف في المقاله القادمه بتشتغل ازاي.
شكل الغربال الامامي :-
المخارج للدلتا :-
كل فتحه للغربال اللي احنا قولنا عليها بيبقا فيها مخرج بينزل منها المنتج بتاعه وبيتركب طبعا فيها شكاير ,
بيبقا في 4 مخارج بيتسموا شفاط لانهم بيشفطوا الحاجات الخفيفه من المنتج بيبقا فين وفين لما بينزل حاجه بالنسبه للورقيات فبيبقا له دور وبينزل منتج وهنعرف ازاي في المقالات القادمه .
شكل المخارج:-
لوحه التسغيل :-
كل ما يهمنا في لوحه التشغيل حاجتين اسمهم :-
المعدل - الهواء
المعدل علشان يحددلي كميه المنتج اللي هتنزل علي الغرابيل وده بتكون علي حسب خبرتك بقا في الشغلانه طبعا بيفرق من حبوب او ورقيات فكل حاجه ليها نسبه وتناسب هنعرف كل منتج بيشتغل ازاي وايه المتطلبات بتاعته.
الهواء بيستخدم لتقليل وزياده الهواء داخل الدلتا, فاكرين لما قلنا الغربال الامامي بياخذ القش الخفيف وينزله في مخرج اسمه لسان الدلتا اهو هو الهواء ده اللي بيحدد كميه الهواء اللي طالعه من تحت الغربال للاعلي ثم لسان الدلتا,
ونسبه الهواء برده علي حسب ما انت شايف البضاعه, اهم حاجه ما يكونش في بضاعه في لسان الدلتا لانه هو معروف بيكون فيه نسبه قش عاليه ومنتج قليل جدا ,
المعدل - الهواء
المعدل علشان يحددلي كميه المنتج اللي هتنزل علي الغرابيل وده بتكون علي حسب خبرتك بقا في الشغلانه طبعا بيفرق من حبوب او ورقيات فكل حاجه ليها نسبه وتناسب هنعرف كل منتج بيشتغل ازاي وايه المتطلبات بتاعته.
الهواء بيستخدم لتقليل وزياده الهواء داخل الدلتا, فاكرين لما قلنا الغربال الامامي بياخذ القش الخفيف وينزله في مخرج اسمه لسان الدلتا اهو هو الهواء ده اللي بيحدد كميه الهواء اللي طالعه من تحت الغربال للاعلي ثم لسان الدلتا,
ونسبه الهواء برده علي حسب ما انت شايف البضاعه, اهم حاجه ما يكونش في بضاعه في لسان الدلتا لانه هو معروف بيكون فيه نسبه قش عاليه ومنتج قليل جدا ,