تجهيز وتصدير ينسون حب

تصدير ينسون حب :-

بذور نبات الينسون يتم تجهيزها وتصديرها الي الدول الاجنبيه بالمواصفات الاوربيه والامريكيه والشهادات

 ISO  - BRC   .

هنبدأ بالتجهيز لان هو اهم عنصر قبل التصدير  .

كيفيه تجهيز بذور ينسون :- 

يتم دخول المنتج الخام الي المصنع ويتم عمل معايره لكميه معينه, بناءا عليه يتم دفع التكاليف لصاحب المنتج الخام او التاجر ,بالنسبه للمعايره تتم عن طريق الصنايعيه بطريقه الغربله  وتقاس بالمش mesh او معمل الكيمياء وتقاس نسبه العاليات والقش والبلاستيك و الحشرات وغيرها 

1- آله الدلتا :-

يتم دخول المنتج الي الآله عن طريق سير يتم معايره الينسون عن طريق لوحه التحكم زي ما وضحنا قبل كده كيفيه تشغيل كل آله علي حده .

الهزاز    50

الهواء    45

الغرابيل من اعلي الي اسفل :-

اول غربال ده ثابت   10 mm

ثاني غربال عين كتكوت  ( عاليات)    3.5 - 4  mm

ثالث غربال ( مشئبيه)  2  - 2.50   mm     

رابع غربال عين كتكوت  ( ساقطه)  1  - 1.50   mm

خامس غربال  ده ثابت ( امامي )   20 mesh او 1 mm

طبعا احنا عارفين كلمه مشئبيه يعني شكل الغربال مختلف عن الغرابيل عين كتكوت، كله موضح بالشرح في الدروس السابقه  .

كلمه غربال ثابت يعني ما بيتغيرش في الدلتا بتطلعه تنظفه وتركبه ثاني  .

طبعا احنا دلوقتي عارفين يعني ايه مقاس ( مش او مللي ) مشروح في الدروس السابقه  .

طبعا ده بيختلف علي حسب نوع البضاعه وعلي حسب خبرتك في المجال كمهندس  .

غربال رقم 2  العاليات :- 

تمسك البضاعه اللي خارجه من مخرج العاليات طبعا هو جاي من اسمه اي بذور كبيره يبقا كده تمام, بالتالي اي حاجه صغيره موجوده يبقا في مشكله في الغرابيل بتبدا تركب غرابيل ثانيه او تخلعها وتركبها ثاني او تغير حجم الغرابيل عندما تجد حبوب صغيره موجوده يبقا توسع الغربال  .

غربال رقم 3 المشئبيه  :- 

تمسك البضاعه اللي خارجه من مخرج المشئبيه وده بينزل اي ركب او اي حبوب او طين يكون شكله مدور زي الكوره ،  المفروض ان الغربال ده ما ينزلش بضاعه خالص الا بسيط جدا جدا شئ لا يذكر من البضاعه ولو لقيت بضاعه بتوسع الغرابيل  .

غربال رقم 4  الساقطه :- 

تمسك البضاعه اللي خارجه من مخرج الساقطه بتبقا عباره عن حبوب صغيره جدا عن المنتج ومعها كميه تراب + حبوب سوداء + اي شئ اصغر حجما من المنتج ، لو لقيت فيها حبوب كبيره او زي المنتج بتطلعها وتركبها ثاني او تغير وتضيق حجم الغربال الي الاصغر  . 

غربال رقم 5  امامي  :- 

شكله مختلف عن الغرابيل اللي احنا بنستخدمها في الدلتا الغربال ده عامل زي الغرابيل اللي بتسخدمها الامهات في البيوت بالنسبه للامهات ايام زمان وزي الصنايعيه اللي شغالين في نفس مهنه الاعشاب  ده بقا بيتقاس بالمش mesh   ، ده شغلته ان الهواء بييجي من تحته وبيرفع القش الخفيف الي مخرج اسمه لسان الدلتا بتمسك البضاعه اللي خارجه منه لو لقيت فيها حبوب قلل نسبه الهواء لحد ما تلاقي نسبه شبه معدومه من الشمر ولو ملقتش حاجه نازله من المخرج ده زود الهواء لحد ما تلاقي نسبه القش المناسبه بعد الغربال ده بيرمي البضاعه علي سير الي السلندر  .

آله السلندر :-

بها عدد لفات الاسطوانات من الداخل وده ما بيتغيرش كثير في اينسون او اعتبره ثابت من 85  -   95  لفه  ويتم عمل المؤشر علي ( -4 ) للتجهيز  .

يتكون من اربعه الواح علي شكل ربع دائره لكل لوح لانه بيتركب علي بعضه داخل السلندر زي ما انت شايف في الصوره السلندر علي شكل دائره والالواح دي ليها ارقام ( 7  -  9  -  11  )  واحنا بنستخدم في الحبوب 11 ثابته والمسطره الذي امامك في الصوره تتكون من موجب +1 , +2  ,  +3 ,  +4  , +5  والسالب -1 , -2 , -3 , -4 , -5  .

لما المؤشر بييجي علي الموجب بيزود الحرش في المنتج .

لما المؤشر بييجي علي السالب بيقلل الحرش في المنتج  .

فالبتالي لما تمسك البضاعه اللي نازله في الحرش وتلاقي حبوب صغيره قلل لحد ما تظبط معاك قلل من السالب الي الموجب مش لازم تنزل للموجب المهم انك تقلل المؤشر اتجاه الموجب  والعكس لو لقيت حرش كثير في المنتج  يبقا تزود المؤشر في اتجاه السالب علشان يرمي الحرش في المخرج بتاعه لان انت عندك مخرجين فقط حرش ومنتج  .

المقصود بالحرش هنا هي الحبوب الكبيره عن المنتج بتبقا كبيره في الحجم وطويله جدا وتسمي ايضا عاليات .

وبعد كده مخرج المنتج للسلندر بيرمي في الجرافيتي وسنتعرف في المقاله القادمه كيفيه تشغيل ومعايره آله الجرافيتي  .

تابع تكمله المقاله....